Течи Государственной Собраниясо ютась од ломанень Парламентэнь заседаниясь. (ЭРЗЯ)
Ютазь иестэнть саезь од ломанень Парламентэнть юрс совась и МР-нь национально-культурной вейсэндявкстнэнь од ломанень советэсь. Вастовомась ушодовсь Госсобраниянь прятонть Владимир Чибиркинэнь пшкадемастонзо, сон тешкстызе кодамо питнейчи канды од ломанень парламентэсь, кодат покш тевть сон теи. Роботамонь паро цётамокс кармасть зярыя законтнэ, конатнень кирдизь ды нолдызь тевс Госсобраниясо. Чинь повесткасонть зярыя темат. Васняяк, Госсобраниянть лувсо ветеце созывень од ломанень общественной палатань 4 иень перть роботамонь цётамотне, «Александр Невский: Слава, Дух, Имя России» од ломанень регионютконь проектэнь республикань этапсо изницятнень каземась. Ютазь иестэнть Госсобраниянь лувсо од ломанень общественной палатантень совась МР-нь национально-культурной вейсэндявкстнэнь од ломанень советэсь, сонзэ прявтсо Рав кужонь финнэнь-угрань раськень культурань куронь важодицясь Инна Астайкина. Заседаниясонть ульнесь кочказь д ломанень общественной палатань од прявтось ды составось. Паро тевтопавтоматнень кисэ ульнесть казезь сех ёроковтне.