Татарстанонь прявтошсо васенцеде ютавтозель финнэнь-угрань чокшне. (ЭРЗЯ)
Вастовомантень пурнавкшность удмуртонь, маринь, эрзянь ды мокшонь ломанть. Теде башка ульнесть инжеть омбо масторстояк.
Презентация, оршамопелень невтема, раськень налксема, морамо ды киштема вельде весе раськетне ёвтнесть эсест культураст ланга. Чокшнесэнть ульнесть венгрань инжеть ды сынст марто Адам Штифтер консулось. Сынь истяжо содавтызь пурнавозтнень эсест культураст марто. Кенярдовты, вастовомасонть ульнесть ламо од ломанть, конат бажить ванстомс эсь ундоксост, тиринь келест ды культураст. Учови, истят вастовоматне теевить паро коекс!