Татарстанонь Лениногорской районсо ютась «Балтай» покшчись (ЭРЗЯ)

Те кенярксчись ютавтови ансяк Мордовская Кармалка велесэ. Кезэрень ёвтамотнень коряс, сядо иеде теде икеле веленть маласо, лисьмапря вакссо, кармась эрямо Балтай атясь. Балтай свал ульнесь ськамонзо, тень витемга, тундонь важодематнеде мейле сон арсесь кенярдовтомс эйкакштнэнь: наряжась овтокс ды моразь ютась велева. Те коесь ванстовсь течинь чис. «Балтай» покшчинть –республикань статусось. Иеде иес кенярксчис пурнавить седеяк ламо инжеть Россиянь ламо регионтнэстэ. Укшторонь лопасо ды вирень цецясо овтокс наряжазь ломантне ютнить ульцява ды морсить эрзянь морот. «Балтай» покшчись Татарстанонь аволь ансяк эрзятнень ды мокшотнень, но и лия раськетнень сюпавчи! Сон канды ломантненень парочи ды ояксчи, тонавты ванстомс раськень койтнень ды культуранть.