Татарстанонь «Дуслык» шумбралгавтомань куншкакуросо ёвтызь цётамотнень тиринь келень ды литературань ютавтовиця пелькстамонть коряс (ЭРЗЯ)

Региононь  ды маласо республикатнестэ 1000-до ламо тонавтницятне невтизь эсь ёрокчист эрзянь, мокшонь, ветькень, маринь ды удмуртонь кельтнень ды литературань содамосо. Александр Данильчев Тагир Валиди, Адель Миндубаев«Татарстан»ГТРК-нь коллеганок марто вейсэ анокстась олимпиадань ютавтомадо невтевкс. Пелькстамосонть эсь содамочист невтизь 9-це-11-це класстнэнь тонавтницятне, конат изнясть эли сайсть призёронь таркат пелькстамонь муниципальной пелькссэнть. Эрзянь, мокшонь кельтнень ды литературанть коряс пелькстасть Бугульмань ды Тетюшинь буень тонавтницятне. Юлия Лазорина Бугульма ошонь тонавтницясь «Дуслык» шумбралгавтомань куншкакуросо омбоцеде. Ютавтовиця пелькстамосонть сон невтнинзе эсь содамочинзэ меляткак. Сестэ изнямс эзь лисе. Ансяк иень перть домка важодемась лездась саемс 1-це тарканть. Бугульмав сон велявты пелькстамонь изницякс. Константин Ещиганов сась Кертяле велестэ. Тиринь мокшонь кельдензэ башка сон корты рузокс, содасынзе татаронь ды англань кельтнень. Тонавтни ансяк ветес. Татарстансо тиринь кельтнень ды литературатнень коряс истят пелькстамотне ютавтневить эрьва иестэ. Сынст ютавтыцятне – Татарстанонь тонавтомань министерствась ды раськень культурань вейсэндявкстнэ. Важодематнень ванномо сакшныть маласо республикатнестэ кельсодыйтне.  Зярыя чить эйкакштне эрить «Дуслыксэ». Лементь смустезэ –«Ялгаксчи». Тесэ весе мусть эстест од ялгат. Ютазь иестэ истят пелькстамотнесэ невтизь эсь ёрокчист малав 700 тонавтницят, те иестэ – 1000. Призёрокс кармасть малав 100 эйкакшт. Иеде иес касы келень коряс кортамонь содамочиськак.