Таштамковонь 1-це чистэ Саранск ошсо кармить 135 васенце класст. (ЭРЗЯ)

Иеде иес Мордовиясо касы васенце классос молицятнень ламочись. Бути 2014-це иестэ Саранск ошсо ульнесть 122 васенце класст, 2015-цестэ -129, то те иестэнть эйстэдест кармить 135. Ошонь образованиянь департаментэнть яволявтоманзо коряс, васенце классос молицятне ней седе сеедьстэ кочкить маласо аштиця школатнень. Икеле жо тетятне-аватне явсть мель ошонь покш школатненень ды ульнесть анокт усксемс эйкакштнень вейке микрорайонсто омбоцес.