Таго телефон вельде манчема (эрзя)

Мордовиянь прявтошсо медицинасо важодицянь кудораськенть манчизь телефон вельде.
Кода пачти МР-ва МВД-сь, даволковонь 12-це чистэ Саранонь полициянь курос пшкадсть мирдть-полатне. Шумбрачинь ванстыцякс важодицятне ёвтнесть манчемань спектаклядо, конань икелест налксизь аферисттнэ.
Даволковонь ушодовомсто 60 иесэ авантень видеосюлмавома вельде гайневтсь ФСБ-нь важодиця, кона пачтясь манчицятнень пельде аванть лемс кредитэнь саемадо. Кортамсто кортыцясь ульнесь формасо, ёвтынзе эсензэ даннойтнень, должностенть, секскак кавтолдомат валсонзо арасельть. Манчемань тевенть анолдамга эрявсь саемс чамаваномань сиведема ды ютавтомс ярмактнень зыянтомо счётс. Кармавтомань топавтомга, мирдть-полатне васня чамдызь таштавксост марто эсест счёттнэнь – банконь картатнестэ ютавтсть малав миллион 100 тёжат целковойть. Таргонь перть манчицятне поладсть гайневтеме зыянс понгозентень. Цётамга мирдть-полатне зярыя банктнесэ сайсть 5 кредитт вейсэнь покшолмас малав 5 миллионт 200 тёжат целковойс. Весе ярмактне ютавтозельть асодавикс реквизиттнэс. Меельце кортамостонть «офицерэсь» содавтынзе, даволковонь 12-це чистэ сыненст эряви самс правоохранительной органтнэс следствиянь тевень ютавтомга. Те молевксэсь панжинзеяк видечинть ланс зыянс понгозтнень сельмест.
Манчезь ярмактнень покшолмась – 6 миллионт 358 тёжат целковойть.