«Сюлгамо» ансамблянтень -60 ! (ЭРЗЯ)

Ансамблясь, конань эрямопингезэ ушодовсь 60 иеде теде икеле,  тагояк кенярдовты шкинемаст вечкицятнень! «Сюлгамо» раськень коллективень  репертуарсонть – эрзянь кезэрень морот, лайшемат, свадьбань морот, раськень коень ютавтомат ды мик футболонь коряс малавгадыця масторлангонь чемпионатонтень нурька морот! Тиринь Мурань веледест моровтомо а юты вейкеяк покшчи. Велесь –морыця! Кезэрень моротне ванстовить пингестэ пингес эрьва кудораськесэ. Ваныцятнень юксо сынь эрсить чуросто. Фольклоронь  ды морамонь коень ванстыцятне иетнень лангс апак вано, эрьва чи вастневить вейсэ, ютавтыть анокстамот. Раськень ёжонь кандыцят! 60 иень перть эрзяватне невтсть ёрокчист эрьва-кодамо фествиальсэ ды покшчисэ, теде башка лездасть программань, фильмань анокстамосо! Мельсэ кадновить «Седяк, гармония!» передачас съёмкатне.  Кудоютконь тевень ветязь, нуцькань эйкакшонь кастозь, сынь мукшныть шка репетицяс. Морамось –те  аволь ансяк оймень тердема, теке марто лембе вастовомат ды седейшкавань кортнемат. Неень шкане, кода и весе республикасонок, Муранень эрзяватне анокстыть пильгеоскань коряс малавгадыця чемпионатонтень. Тень коряскак сынст улить нурька морот- тиринь эрзянь кельсэ!Ансамблясо морыцятне видькстыть, важодемась ютаволь седеяк кепетезь ёжосо, бути улевель гармонияст. Те казнесь улевель сех питнеекс юбилеень тешкстамонь иестэнть!

Комментарии

Комментариев нет.