Сёрмадыцянтень Геннадий Гребенцовнень максозель «Мордовиянь заслуженной поэт» лемесь. (Писателю Геннадию Гребенцову присвоено звание «Заслуженный поэт Мордовии») ЭРЗЯ

Литературас покш путовксонть кисэ сёрмадыцянтень Геннадий Гребенцовнень неть читнестэ максозель МР-нь заслуженной поэт лемесь. Тенень кись ульнесь а шожда. Ламо иень перть сёрмадсь  зярыя произведеният. Ламот эйстэдест алтавить эйкакштнэнень, конатнень марто сеедьстэ вастневи школатнесэ. Книгань нолдамонь тевесь а шожда. Секскак ламо сёрмадыцятненень поизведенияст сави нолдамс эсест ярмаксо. Теи тень Геннадий Гребенцовгак.  Меельце пусмос совась прозазо. Сёрмадозь весе те ульнесь аволь ней, зярыя иень перть сёрмадыцясь пурнась материал, витнемадо мейле анокстызе ды нолдызе башка пусмосо. Эсь прянзо Геннадий Сергеевич васняяк лови поэтэкс, мекс шкинемань кизэ ушодовсь стихень сёрмадомасто. Ансяк мейле сон варчизе прянзо прозасо ды эзь маняво. Теяк кись сонензэ изнявсь! Сёрмадыцянть валонзо коряс, истят вастовоматнень  ловныцятнень марто эряви ютавтнемс свал. А эйкакштнэнь туртов стихень сёрмадомсто эряви улемс паро психологокс. Теньсэ покш лезэ тензэ максы школасо тонавтыцякс важодемась. Критиктнень валост коряс, стихензэ пек шождат ды малавикст ловныцятнень туртов. Стихензэ ды ёвтнеманзо сюпавт эрьва-кодамо темасо. Эйкакшонь туртов произведениянь героекс кармасть вишка эйкакшт, конат ансяк кармасть содавтовомо эрямонть, перть пельганть  марто. Произведениянзо совавтозь начальной класстнэнь туртов тонавтнема пелькстнэс.