Сыре Теризморгань культурань центрась. (Старотеризморгский центр национальной культуры) ЭРЗЯ
Ванстомс ды вельмевтемс раськень койтнень-кирдатнень. Содавтомс ломантнень минек ёнксонть марто, невтемс кода эрясть ломантне, кодат ульнесть оршамопелест. Самай те тевенть топавтыть Сыре Теризморгань Раськень культурань центрасонть. 24 иетнень перть куросонть ульнесть ютавтозь ламо вастовомат, мелень саиця мероприятият. 1992-це иестэ центрась васенцеде панжынзе кенкшензэ. Тесэ эрьва инженть вастыть мазый мокшонь моросо, мейле содавтыть раськень койтнень марто. Культурань центранть юрсо панжозь этнографиянь музей, конасонть невтезь велень ломантнень эрямост, кудоюткост. Истя жо тесэ невтезь раськень викшневкстнэ, оршамопельтне. Куросонть улить викшнемань ды човалясто кодамонь кружокт, важодить «Лаймоня» эйкакшонь ансамблясь ды Сыре Теризморгань раськень хорось. Сыре Теризморгань Раськень культурань центрань прявтось Нина Кадерова тешксты, сынст велес сакшныть пек ламо инжеть аволь ансяк эсенек масторсто, истя жо томбальдеяк. Мельспаросо лецтни, кода тесэ мокшонь пачань панеме тонавтсь масторонь колмо президентнэнь. Ломантне бажить неемс, кода эрить раськень велетне, кода топавтыть кудоютконь тевтнень. Секскак эрьва ие тей сыцятнень ламо чись яла касы.