Сыре ломанень ковонтень алтави. (ЭРЗЯ)
Аволь покш концертсэ, чаень каванямасо тешкстызь сыре ломанень ковонть Пролетарской райононь «Луч надежды» клубс совицятне. Лецтяса, курось зярыя иень перть важоди эйкакшонь ветеце номер библиотекасонть. Истя неть ломантне пурнавкшныть аволь чуросто. Ансяк те ковсто сынь ульнесть ошонь кавто покш мероприятиясо: те «Дары золотой осени» выставкасонть ды макссть ГТО-нь нормат ветерантнэнь ютксо. Меельцесэнть сисем ломанть ульнесть сех вадрятнень ютксо. А те вастовоманть алтызь Октябрьской революциянь сядо иень тешкстамонтень. Ламо иень перть «Луч надежды» курос совицятне пурнавкшныть те ловнома кудосонть. Истя моро, стих марто, кинонь ванномасо ды чаень каванямасо ютавтыть ютко шкаст ветерантнэ. «Рябинушка» хорось эрси райононь малав весе покшчитнесэ. Сонзэ морыцятне кенярдовтызь пурнавозтнень паро моросо. Васенце номер школань тонавтницятнень пельде стихть, морот гайгсть те покшчистэнть. А сех активнойтне казезельть шнамонь коневсо ды казнесэ.