Сынь тельняяк вечкить экшелямо! (ЭРЗЯ)

Якшамотнень лангс апак вано, улить истят ломанть, конат тельняяк пек вечкить экшелеме. Ютксост минек свалшкань ваныцянок. Минь вастневинек Саран ошонь кельме ведьсэ экшелеме вечкицятнень марто, кортынек  шумбрачидест, ютко шкань ютавтомадост. Истя кельме ведс васенце совамодо ёвти минек героинясь. Кемень иеде теде икеле лиякс варштазь эрямонзо лангс Чарькодсь, шумбрачинть мельга эряви ваномс седе пштистэ. Ней сон кельме ведьсэ экшелицятнень ютксто васенцекс сови ангсемас. Кармась вечкеме сокссо ардтнеманть. Эряви меремс Галина Барцаевань кудораськесэ аватне лия ёнов а молицят. Тейтерезэ, Валентина, истяжо вечки экшелеме кельме ведьсэ. Пешксесэ улемстэяк экшелясь. Эзь кадово ве ёно Кристина нуцьказояк. Телень кельме ведьсэ экшелямонь пелькстамотнесэ, конат ютавтневить республикасонок, сон сеедьстэ изницятнень ютксо. Минек свалшкань ваныцясь, Раиса Пронькина кельме ведьсэ экшелясь малав колоньгемень иеть. Ушодыцятненень максы превспутома. Мордовиянь кельме ведьсэ экшелицятне свал тевсэ: арднить сокссо, укшныть байдаркасо, вечксызь телень калонь кундсеманть. Лиякс меремс – ютко шканть вечкить ютавтомо ульцясо!