«Сятко» марто Од иес!» (Новый год с журналом «Сятко») ЭРЗЯ

Истямо лем ало  мельстуиця покшчинть анокстызь журналонь редакциясь, «Вал» курос совицятне ды А.С.Пушкин лемсэ национальной библиотекань важодицятне.  «Сятконь»  ялгатне, сёрмадстыцятне, лездыцятне паро мельсэ вастызь покшчив тердеманть. Инжетне видькстыть, те сехте лембе ды ёжонь кепетиця чокшне, конань ютавтомазо, арсемга, тееви паро коекс. Паро мельсэ- паро тевс! Чокшнень анокстыцятне тешкстыть, вастовомань башка ёнксокс кармась улеме эрзякс ушодыця сермадейтнень ютксто иень коряс сех ёроковтнень тешкстамось!Истямо тевтопавтомась кармавтсынзе раськенек ломантнень седе покш мель явомс тиринь литературантень, сонзэ кастомантень-сюпалгавтомантень. Литературань пелькстамонь цётамотнень коряс, изницянь шнамонь конёвсо тешкстазь Виталий Картышкин, Юлия Мамаева, Римма Жегалина, Алёна Маторкина, Мария Слугина ды лия сермадыцятне, конатнень ютксо эрзява Пенза ёнксстояк.  Истя «Сятконь» коллективесь лездыцянзо марто вейсэ бажи кемекстамс сюлмавоматнень диаспора марто. Од ломантнень ютксо  литературантень мельявоманть кастомга, покш важодема вети «Вал» курось. Ёвтама, шкинемань чокшнесь а улевель седеяк мельстуицякс, бути а гайгевельть валморот, пеетькшнемат, морот: тиринь кельде, чачома ёнкссто, перть –пельксэнь мазычиденть, ломантнень обуцядост ды вечкемадо. Эрьва номерэсь вастозель виев  цяпамосо! Покшчис пурнавозтнень туртов казнекс — Якшаматянть марто вастовомась. Содамоёвкст, викторинат, ламо мизолкст, кеняркст ды, нама, поздоровт Од иенть марто. Кемтяно, Од иенть истямо паро  ёжосо вастозь, маласо 12 ковтне ютыть пек парсте!