«Сятко» ды «Мокша» журналтнэнень -90 иеть!
Вана истямокс ульнесь «Сятко» журналонть васенце нолдавксонть лангозо. Лиссь сон Самарасо, 1929-це иень якшамковсто. Иенть прядомантень журналось ютась Саран ошов. Васенце иестэнть нолдазелть 15тежат 400экземплярт! Шкань полавтоматнень марто полавтовсь «Сяткоськак». Истямокс сон ульнесь эрьва-кодамо иетнестэ. Прявт тевекс жо свалшкане каднови –тиринь келенть, культуранть, эрямопингенть ванстомазо!
Сех покш каштанчись- те коллективесь, кона ве мельсэ домкасто важоди эрьва нолдавксонть лангсо! 90 иень перть «Мокша» журналонь эрямопингесь –фотографиянь невтемасо! Тесэ весе сеть, кить тейсть покш путовкс журналонть касомасо-кепетемасо. Весемесь ушодовкшнось «Валда янсто». Кода и «Сятко» журналось, мокшонь кельсэ нолдавксоськак зярыя иеть эзь лисне. Никул Эркаень ды Илья Девинэнь лезксэст вельде журналтнэнень максозель од эрямо. Раськень покшчи — истя лемдизь журналтнэнь юбилеень чинть лия редакциянь коллегатне. Натой МР-нь печатень министрась васенцеде кортазевсь мокшонь ды эрзянь кельтнесэ!
Виталий Калугин ловнынзе МР-нь Прявтонть Вдадимир Волков пельде поздоровонь валтнэнь ды казсь покш казнеть-МР-нь Шнамонь конев, Сюконямонь вал, Правительствань шнамонь коневт. Теке марто башка казне МР-нь прявтонть пельде- эрьва редакциянтень казеви автомобиль! Казнетнень ютксо-«За межнациональное согласие» медальть, Саран ошонь прявтонь пельде –сюконямонь валт ды ламо мезе лия!