Святойтненень равноапостольнойтненень Мефодийнень ды Кириллнэнь кеврунго курок шкане карми улеме стявтозь Саранскойсэ (В Саранске будет установлен памятник святым равноапостольным Мефодию и Кириллу)ЭРЗЯ

11 пингеть теде икеле неть кавто братнэ  арсизь славянонь азбуканть. Скульпторось Николай Филатов тейсь тенст памятник, штобу касыця поколениятне свал кирдевлизь мельсэ сынст тевест.  Кода и свал эрьва памятникенть лангсо роботамодо икеле, художникесь тейсь  зярыя эскизт. Эряви меремс церьковань темас  Николай Филатовонь те аволь васенце роботазо. Зярыя иеть теде икеле теизе памятникенть  Никон Патриархонтень. Валонзо коряс, истямо темань панжомсто свал эряви арсемс ансяк пародо. Эрьва деталесь канды покш смусть. Ланг ванозь а сеске неявить явовкстнэ. Ансяк седе домкасто ваннозь, неяви кода парсте, тевень содазь, авторось машты невтеме сех эрявиксэнть. Композициясо невтеви кода кавто браттнэ-оятне важодить письменностенть лангсо. Кирилл ялаксось ашти озадо, кедьсэнзэ толга, ютавты славянонь кельс Евангелиянть. Мефодий лелязо ашти стядо, ванны ялаксонзо мельга. Скульптурань сэрезэ  3 метрадо ламо. Весе композициянть савсь теемс истя, штобу сон топавтоволь храмонть. Ламо чинь перть скульпторонтень савсь  роботамс аволь ансяк эсензэ мастерскойсэ. Ламо эрясь  Жуковск ошсо, косо валызь скульптуранть.