Сундерьковонь 18-це чись — Якшаматянь чачома чи! (18 ноября- день рождения Деда Мороза!) ЭРЗЯ
А стяко самай те чистэнть Воронинэнь лемсэ республикань краеведениянь музейсэ ванкшнызь ошонь пелькстамонь цётамотнень! Од иень сувенирт ды ламбамо казнеть весе изницятненень явшесь Якшаматясь. 30 ламо теевкст кучозельть «Казне Якшаматянть туртов» пелькстамонть лувсо. Жюринтень, ков совасть республикань краеведениянь музеень важодицятне, савсь а шожда. Эйкакштнэ, тетяст-аваст, малавикс раськест марто анокстасть лия ёнов а молиця важодемат. Ёвтама, малав весе пелькстыцятне тешкстазельть казнесэ, конатнень явшесь Якшаматясь! Арсемась ютавтомс истямо пелькстамо сась музеень важодицятненень ютазь иестэ, уш сестэ эйкакштнэ покш мельсэ невтизь ёрокчист. Ледстясынек, пелькстамос весе теевкстнэ анокстамат этнической ёнксонь кирдезь. Муемс ды вейсэндямс ёроков эйкакштнэнь — те прявт путовксось ютавтовиця пелькстамосонть! Ацамковонь 14-це чистэ саезь якшамковонь 9-це чис молемс весе теевкстнэ кармить невтезь музейсэ «Подарок Деду Морозу» цётамонь выставкасо. Малавгадыця кенярксчинть лувсо пелькстамонь изницятненень ды призёртнэнень Якшаматясь казсь ламо дипломт, сувенирт ды ламбамо казнеть. Сюкпрянь валдо башка марясь поздоровт тешкставиця покшчинть — Од иень прявт персонажонть чачома чинзэ коряс!