Стявтови од ки (эрзя)
Мордовиянть содавтызе Россиянь транспортонь министрась Виталий Савельев. Федеральной делегациянть лувсо статс-секретаресь, транспортонь министрань полавтыцясь, Росавтодоронь ды коштонь транспортонь федеральной агентствань прявттнэ, «РЖД-нь» генеральной прявтонь полавтыцясь. «Зыянтомо ды ардомань паро кить» раськень теварсевксэнть вельде Сарансо стявтови кшнинь кинть ды Инсар леенть трокс Строительной курова Изнямонь куросто саезь Гожувской куронть видьс путепровод марто од маршрут. Тесэ ветявить строямонь-монтажонь важодемат, конатненень Россиянь транспортонь министрась васняяк путсь питне. Важодематне молить шкадо икеле. Объектэнь васенце чиполань совавтомась арсеви 25-це иестэ. Ниле иетнень перть республикасонть педе пес одкстомтозельть ды стявтозельть кинь малав 1 300 вайгельбеть — те теке Московонть видьс ды мекев. Кортасть мастороганок ды сонзэ томбале ардоматнеде — те корты, эряви кастомс Саранонь раськеютконь аэропортонь терминалонть тевс нолдамонть. Талновтыця кевкстемась — общественной транспортось. Эрьва чи маршруттнэс лисить тёжадо ламо ломанть. Теке марто те отраслянтень эряви лезэ. Ютазь иень цётамотнень коряс республикань кинь фондось ашти 13 миллиардт целковойстэ. Меельце иетнень перть неть цифратне кастовсть малав колмоксть.