«Стартнэнень анок!» («К стартам готов») ЭРЗЯ.

Невтемс кемечинть, ёлганяксчинть ды цидярдоманть! Саран ошсо ютасть «К стартам готов!» лем ало пелькстамотне. 3 чинь перть эйкакшонь кужонь трявкстнэ невтсть ёрокчист физкультурно-спортивной комплексэнь норматнень максомасо. Манежсэ – «К старту готов!» соревнованиянь  вишка пелькстыцятне. Пролетарской райононь 13 эйкакшонь кужонь трявкстнэ анокт невтемс ёрокчист физкультурань-спортонь комплексэнь норматнень топавтомасо. 30 метрас чиема, таркасто кувалмос кирнявтнема, оскань ёртнема, комамот. Цидярдомань неть ёнкстнэ эйкакштнэнь туртов содавикст. Инструктортнэнь  превспутомаст, эрьва чинь тренировкатне, ды занятиятнень ютавтомань туртов эрявикс таркатне максыть неявикс цетамот. Содамс сех паро вишка спортсментнэнь – тевесь аволь шождынетнень эйстэ. Жюринть туртов прявт путовксось – киньгак а кадомс мельтеме. Пролетарскойденть мельга пелькстамонь эстафетанть саизь Октябрьской ды Ленинской районтнэ. Кармавтомс эйдень кужонь трявкстнэнь спортонь вечкеме, эрямосонть шумбрачинь лувонть кирдеме!   Истят путовкст аравтыть  икелест пелькстамонь анокстыцятне – ошонь администрациясь ды социальной политикань коряс департаментэсь.