СПИД-ценрань акциясь. (Акция СПИД-центра) МОКША
Саранскяйса соборнай площадьса врачне-инфекционисттне и од ломаттне явсть ошень эряйхненди и саф инжихненди ВИЧ-ть колга информационнай памяткат. Койс коре стафоль квилт – лятфнемань котф, конац кочкаф урмать эзда кулоф мала ломаттнень лемста. Тя обуцять юронза молихть тёжянь вейхкса сятт кафксогемонь сисемце кизоста, мзярда американецсь Клив Джонсь стазе васенце квилтть и лемдезе сонь эсь цебярь ялганцты. Тяддень васенце майти Мордовияса муф тёжянь вете сятт ведьгемонь кафкса ВИЧ-са сяряди ломань, эздост республикань эряйда – тёжянь колма сятт ведьгемонь фкя. СПИД-ть эзда кулофнень лятфнеманди акциянь участникне нолдасть менели шархт, конатнень лангса сёрматфтольхть лемсна. Тяниень пингонь медицинать сатфксонзон вельде ВИЧ-инфекциясь арась аф пелькс. Эряви аньцек эсь пингста ушедомс пчкафтомать и ули кода эрямс лама киза.