Содамошинь кеподемань курснень пингста мокшень и эрзянь кялень учительхне ванозь А.С. Пушкинонь лемса Национальнай библиотекать (В рамках курсов повышения квалификации учителя мордовских языков посетили Национальную библиотеку им. А.С. Пушкина) МОКША

Пушкинонь лемса библиотекась ётафни лама эрь кодама илада. Сонь кенкшенза фалу панжадот школаса тонафнихненди, студенттненди и нльне учительхненди. Ня шитнень библиотекарьхне ётафтсть экскурсия учительхненди, конат састь содамошиснон касфтома. Кой-кит содамошинь тя уженяса ульсть васенцеда.
Экскурсиясь ушедсь Пушкинонь лемста залста. Тяса учительхненди азондозь библиотекать историянц, няфтезь эрь кодама экспонаттнень. Сяльде тонафтыхне ванозь лия отделхнень, коса кочкаф лама книгада аф аньцек рузонь, мокшень и эрзянь, но и омба масторонь кяльса. Няевсь, што экскурсияс сафнень дивандафтозень библиотекать козяшиц.
Нюрьхкяня пингста тонафтыхненди удалась арамс содафокс республикасонк инь оцю библиотекать мархта. Кажнайсь эздост сявсь эстейнза мезе-бди одня. Тя сембось лезды учительхненди синь работасост. Вдь книгась — тя содамошинь арзяня, конань эряви сяда сидеста сявондемс кядезт.