Скульпторось Николай Филатов аноксты выставкас. (ЭРЗЯ)
Свал тевсэ, свал шкинемасо. Ансяк ансяк пряды вейке скульптура, сеск ушоды важодеме лия лангсо. Сеедьстэ сонзэ мастерскойсэ ве шкане зярыя апак прядо роботат. Пелькстамонтень скульптуранть лангсо важодемась ушодовсь кизна. Сеедьстэ неи сынст онснэнзэ. Истя сон неизе Пушкинэнь, Кудораськентень кеврунгонть. Мордовиянь прявт ошонть эряви мазылгавтомс, ды паро, тевесь те ушодовсь. Художникенть валонзо коряс, аволь свал эрявить покш кеврунгот. Лиясто вишкинетне седе саить мель. Мастерскойсэнзэ зЯрыя апак прядо роботат. Мастерэсь аноксты выставкантень, кона карми ютамо тунда. Сонзэ кедьсэ теезь кеврунготнеде Саранскойсэ зярыя; весе сынь, прявтошсонок саить неявикс тарка. Ютксост Александр Пушкиннэнь, Никон патриархонтень, Федор Ушаковнень. Кедензэ алдо лиссь кудораськентень скульптурной композициясь, мазылгавтозь национальной театрань фасадось. Александр Пушкиннэнь памятникенть кисэ Николай Филатов казезель Россиянь художествань Академиянть пельде «сырнень медальсэ». Те композициянть лангсо сон роботы умок. Аволь нейке ды а сеск невтеви тензэ, мезе арси. Секскак эрьва кевгунгонть теемадо икеле, улить ламо вариантт. Кода и свал эрьва кеврунгонть лангсо роботамодо икеле, художникесь теи зярыя эскизт. Васня конев лангсо, мейле тейсы пластилинстэ. Те скульптуранть лангсо важодемась ушодовсь кизна, ды те шкас пес эзь топавтово. Мастерэнть валонзо коряс, роботамс эряви свал, штобу кедтне аволизь стувто ёрокчинть. Монументальной скульптуратнеде башка аноксты вишкаткак. Эрьва деталесь канды покш смусть. Лангс ванозь а сеске неявить явовкстнэ. Ансяк седе домкасто ваннозь, неяви кода парсте, тевень содазь, авторось машты невтеме сех прявтоксонть. Маласо шкасто скульпторось арси кенярдовтомс Мордовиянь эрицятнень ды инжетнень од казнесэ.