«Скул Дэнс ТВ» коллективесь «Струна» вокальной студиянть марто вейсэ невтсть те иень цётамонь концерт. (ЭРЗЯ)
Кода тешксты хореографиянь содавикс мастерэсь Вячеслав Тужилкин, 24 иеде теде икеле весемесь ушодовкшнось истяжо кенярксовсто, ансяк сестэ сцена лангсо ёрокчинзэ невтсть сонсь. Течинь чинтень жо «ТВ» студиянть прядызь вейке пель марто тежадо ламо ломанть. Течи Скул Дэнс ТВ-нть лувсо роботыть 3 школат, тонавтнить тосо малав 300 ломанть. Сех вишкинетненень – 2 иестэ саезь. «Скул Дэнс ТВ» коллективенть содасызь аволь ансяк Мордовиясо, но и весе мода-масторонть келес. Прявт топавтовксокс сынсь ловить хип-хопонь коряс масторлангонь чемпионатсо «сиянь» саеманть. Ней арсить сырнеде. Эрьва концертэсь канды ваныцятненень аволь ансяк паро ёжомарямот, тесэ эрьва бажицянтень максовить мастер-класст. Мазый костюмт, мелень саиця музыка. «Скул Дэнс ТВ-нь» ды «Струна» вокальной студиянь вейсэнь проектэсь те морыця киштицят ды киштиця морыцят.