«Сияжар» редакциянтень 26 иеть! (ЭРЗЯ)
26 иеть «Мордовия» ГТРК-нь юрсо важоди «Сияжар» редакциясь. Минек корреспонденттнэ радио ды телеэфиртнэсэ содавтыть тынк тиринь кельтнень ды литературань ванстомань кевкстематнень марто, евтнить раськень культурань, койтнень-кирдатнень вельмевтемадо ды ванстомадо. 2016-це иень аштемковсто нацвещаниянть лувсо ушодовсь топавтовомо эрямос од проект – «Туган як» татаронь кельсэ программась. Минь важодтяно диаспорасо улиця национально-культурной автономиятнень марто, эрятано ояксчисэ региононь раськень СМИ-тнень марто. Кеме сюлмавомат кирдтяно ВГТРК-нь филиалтнэнь ды «Финно-угорский мир» тележурналонь редакциянть марто. Весе мелень саиця кулятне «Мордовия» ГТРК-нь официальной сайтсэ, видеоматериалтнэ – ютуб видеохостингень каналсо. 2018-це иестэ тиринь кельсэ телепрограммань объемось – 178 част, конатнень эйстэ 83 частнэ туить кулятнес, а 95-тне – тематикас. Тиринь кельсэ радиопрограммань объемось иезэнзэ 187 част, конатнень эйстэ 72 частнэ явовить куляс, а 115-тне тематикас. «Мордовия» ГТРК-нть вещаниянь од, цифровой форматс ютамонть марто неявиксстэ полавтовксь видеось ды гайтесь. Минек коллективенть икеле ашти покш путовкс – неень шкань покш качества марто форматнэсэ совавтомс эрямос медийной од проектт.