Сире Теризморга велеса етасть Девинскяй лувоматне (В Старой Теризморге состоялись Девинские чтения) МОКША

Омбоцеда Старошайговскяй райононь Сире Теризморга велеса ётафтовсть Девинскяй лувоматне. Кда васенцетне ульсть Национальнай культурань центраса, то омбоцетне — Сире Теризморгань школаса. Илась ушедсь панчфонь путомаста Илья Девинонь памятниконцты. Сяльде инжихне кочкавсть школаса, коса лама корхтафоль писательть эряфонь и творческяй кинц колга. Тяса лац шарьхкодевсь: Илья Девинонь лемоц апак юкстак, сонь колганза лятфнематне молихть седи ваксста.
Тонафнихне учительснон мархта анокласть концерт, коса кайгсть Илья Девинонь стихонзон лангс серматф моротне. Иттне няфтсть сценкат писательть произведениянзон коряс. Саранск ошста саф инжихне казсть эрь кодама казнет школати и библиотекати. Сят, кие лац содазь Илья Максимовичень, азондозь кочкафненди, кодама сон ульсь ломанць.
Минь республикасонк ётафневихть Малькинскяй, Учватовскяй, Петровскяй лувомат, но аньцек Девинонди лемтьф иласа смузю ломаттне казьфтольхть писательть лемса премияса. Азфтольхть инь цебярь работатне литератураса, историяса, экологияса и стак тов. Ульсть иласа и Илья Максимовичень раднянза, конат азсть сюконямань валхт сембонди, кие аноклазе тя пуромксть.