Симферопольсэ «Россиясь – те минь!» раськень культуратнень фестиваленть лувсо тешкстызь финнэнь-угрань раськетнень покшчинть (эрзя)
Шумбракстнемань валт весень туртов ёвтасть Айкуи Арутюнян Крым Республикань раськетнень тевест коряс государственной комитетэнь прявтонь полавтыцясь, Анастасия Гридчина Крым Республикань Государственной Советэнь раськень дипломатиянь ды регионъютконь сюлмавоматнень коряс комитетэнь прявтось, Владимир Старчков Фёдор Ушаков лемсэ эрзянь ды мокшонь общественной вейсэндявксонь ветицясь. Эрьгелемань промкссо сех вадрятне тешкстазь Сюконямонь валсо. Концертэнь программась вейсэндинзе Крымсэ эриця раськетнень ды содавтынзе инжетнень финнэнь-угрань культурань сюпавчинть марто. Гайгсть морот эрзянь, мокшонь, маринь ды лия кельсэ. Мордовиясто покшчис сакшнось «Торама» фольклоронь морокурось. Фестивалесь кемекстызе раськетнень ютксо ялгаксчинть ды вейкетьксчинть.