«Шумбрат, цёмара!» (МОКША)
Саранск ошень комсь нилеце номер школань тонафнихне эсь учительснон мархта маштозь няфтезь и азондсть эрь кодама национальносттнень пидемаснон-панемаснон колга. «Шумбрат, цёмара» – тяфта лемтьфоль марстонь илась, кона тусь сембонь мяльс. Весяла пялькстоматнень эса няфтезь эсь маштомашиснон вете командат. Школань сембе сисемце классне. Кажнайть ульсь сонцень лемоц. Ярхцамбялень тяфтама ила школаса ётафтовсь васенцеда. Оцю путкс сонь анокламасонза и ётафтомасонза макссь мокшень кялень учительсь Марина Николаевна Миронова, сон лама азондсь мокшень цемаратнень колга. Лездсть тейнза, конешна, иттнень тядясна, бабасна. Синь кандозь аноклаф и пидеф цёмаратнень, пельметтнень. Пялькстоматнень мельге ванць жюрись.Цемарась – тя сяка жа пельменць. Аньцек аноклакшневи сон эрь национальностень ломаттнень мархта эсь лацонза. Сяс кржа ульсь иттненди азондомс жюрить инголе кантф пидеф-панефть колга, эрявсь нинге мяль вельде нолямс эсь фантазияснон, анокласть плакатт-месть, рахсезь – пеетькшнезь пачфнесть жюрити. Сят эсь ширдест макссесть питне национальнай эрь ярхцамбяльти. Видеста азомс, етксост ульсть аф фкя лацонь: акшет, тюжат и мянь равчт. Жюриса ащихне эстокиге варчсезь таньфснон.Тя кизоть минь учтама лама инжи сембе масторть лангста. Саранск ошса ётафтови миронь чемпионатсь. Сяс эряви тяни арьсемс, мезьда каванямс ширезонк сафнень. И тяфтама илатне лездыхть анокламс сяда лама национальнай ярхцамбяльда.