«Шумбрат, Мордовия!» фестивальть гала-концертоц (МОКША)
«Шумбрат, Мордовия!» фестивальть гала-концертта инголе Мордовиянь Оцюнясь Владимир Волков Эрьзянь лемса изобразительнай искусствань музейса ванозе художникть Никита Пичугинонь васенце персональнай выставканц. Экспозицияса сяда картина, конат сёрматфт рузонь реалистическяй школать стильса. Сембе работатне тифт кафта жанраса: пейзаж и натюрморт. Эряви азомс, выставкать анокламс лездсь республикань Оцюнясь, няйфсь тусь мялезонза. «Шумбрат, Мордовия!» народнай творчествань комозце юбилейнай фестивальть гала-концертонц ушедомдонза инголе Владимир Волков азсь лямбе валхт артисттнень лемс и казсь теест дипломт, Почётнай грамотат и питни казнет. Комсь кизоста фестивальсь арась кельговикс республикань эряйхнень ёткса. Сон макссь ки сцена лангс ламоц смузю ломаненди. Аф стак эсонза примайхть участия ёмла шабаста сявомок содаф артисттненди молемс. Гала-концертсь мольсь ниле частта лама. Ваныхне кулезь рузонь, мокшень и эрзянь, татаронь морхнень, сиде моронятнень. Сафненди удалась няемс народнай кштиматнень, сире обряттнень и лама лия мезе. Аделавсь нинге фкя фестивальсь. Кода най, сон крьвязсь од «тяштенят», казсь ваныхненди цебярь мяльхть-арьсемат. А Лямбирскяй райононь творческяй коллектифненди васенце вастть.