Школьнай театрань Всероссийскяй фестивальста 19-це гимназиянь тонафнихне мрдасть диплом мархта (С Всероссийского фестиваля школьных театров ученики 19 гимназии вернулись с дипломами) МОКША
23 ноябрьста сявомок 29 молемс Санкт-Петербургса етась школьнай театрань «Прообраз» Всероссийскяй фестивальсь. Пингстонза няфтезь маштомашиснон тонафнихне Россиянь ламоц аймакнень эзда. Мордовияста тоза якась делегация 19-це гимназияста.
«Прообраз» фестивальти тертьфтольхть ся тонафнемань заведениятне,конатне сувсихть Россиянь гимназическяй союзти. 19-це гимназиять эзда эсонза няфтезь маштомашиснон 16 од актер. Марнек же фестивальса ульсь 100 лама участник Уфаста, Интаста, Мончегорскяйста, Туласта, Санкт-Петербургста и Волгоградскяй аймакста.
Творческяй тя пуромксть эсь лацонь шиц сянь эса, што фестивальсть пингста школьникне аф аньцек няфнезь маштомашиснон, но и тонафнесть актеронь искусствати. 19-це гимназиянь тонафнихне тя пялькстомаста усксть лама дипломда. Тястонь «Лейне» театральнай кружоксь заняце 3-це вастть «Волк и семеро козлят на новый лад» мюзикланц мархта.
Но аф аньцек театральнай постановка няфтсть республикастонк шабатне. 19-це гимназиянь тонафнись Руслан Абитов лувсь стихотворения. Оцю маштомашинкса сон казьф дипломса и тертьф тонафнема Петербургонь театральнай вусненди.
Фестивальть пингста шабатненди няфтьфтольхть мастер-класст сценическяй корхтамать, пластикать,вокалть, актерскяй маштомашить коряс. Кода азозь иттне, тяфтама васедематне пяк эрявихть. Вдь синь лездыхть аф аньцек кочкамс содамошит тя или тона ширеса,но и панжемс шабатнень асушиснон.