Семьянь аллеясь. (Семейная аллея) МОКША
«Юбилейный» эрямонь комплексса од семьятне марса эсь шабаснон мархта тяряфтсть мазолгофтомс идень налхкомань площадкать. Эрь семьясь озафтсь шуфтоня, сотомок сонь лентаняса. Тяни тядятне-алятне и синь идьсна кармайхть мельгаст якама: валондома и ванфтома. Тя акциясь аф васенцесь, конань ётафтозь ни ассоциацияс сувсихне. Лама цебярь тевда тифоль тядде и нинге арьсеви тиемс. Сембе синь шарфтфт семьятнень кода цебярь ширеснонды, стане и стакашиснонды. Ули надияма, «Семьянь аллеясь» кизоста кизос кармай касома. Шуфтонятне кармайхть цебярь кепотьксокс кода эряви ванфтомс перьфпяльсь, иттне тонадыхть шачфтыснон вельде велень трудти. Пяк цебярь, што ёмла пингста стирнятне и цёранятне касфтовихть ялгаксшиса и марстонь тевонь тиемаса.