Семинарт тиринь келень тонавтыцятнень туртов. (Семинары для учителей родного языка) ЭРЗЯ
Эйзюрковонь 14-це чистэ саезь чадыковонь 1-цес молемс Саранск ошсо ютавтовить тонавтыцятнень туртов эрьва иень квалификациянь кастомань коряс курсатне. Содамочи мельга тей пуромкшныть тонавтыцят диаспорань ды республикань малав весе районтнэстэ. Лекциятнеде башка ютавтовить семинарт, вейкесь эйстэст ютась Сыре Шайговань райононь Сыре Теризморга велесэ
Васняяк делегациянть учось мелень саиця экскурсия, конань тенст ютавтызе Теризморгань раськень культурань центрань прявтось Нина Кадерова, сон содавтынзе пурнавозтнень раськень койтнень-кирдатнеь марто. Весемесь ашти тонавтыцянть эйстэ. Эрьванть эсензэ тонавтомань лувозо. Содазь, эряви ютамс шканть марто вейсэ, топавтомс образованиясо стандартонь вешематнень. Теде башка, а стувтомс ламо иень перть кемекстазь уроконь лувтнень.
Содазь, лия регионсо келень тонавтоманть коряс улить ламо асатыкст, секскак эрьва ие ламот бажить ютамс тонавтыцятнень туртов квалификациянь кастомань коряс курсатнень. Те иестэнть Республикань малав весе райононь тиринь келень тонавтыцятнеде башка содамочи мельга састь лия региононьсетнеяк. Инжетне тешкстызь, исят вейсэнь вастовоматне кандыть покш лезэ, эрьвась сайсь эстензэ од содамочить, конатнень тевс нолдасынзе эсензэ уроктнесэ.