«Селигерэнь Обителесь» таго васты инжеть. (ЭРЗЯ)

Малав 50 ломанть неть читнестэ тусть оймсеме «Селигерская Обитель» православной лагерев, конась эрьва ие юты Тверь ёнкссо. Лагересь ютавтови Саранской ды Мордовской митрополитэнть Зиновиень баславамонзо коряс. Селигер эрькень мазый ёнкстнэ вастыть Мордовиясто инжетнень кевейкеецеде. Кавто таргонь перть эйкакштнэ аваст- тетяст марто кармить эрямо палаткасо. Эрьва ие лагерень пурныцятне анокстыть мелень туиця программа, тешкстама оймсемадо башка  весе участниктне кармить тонавтнеме православиянь юртнэнь. Лагерев молицятнень туемадост икеле Саранск ошонь  Свято-Феодоровской кафедральной соборсонть ютась молебен. Лагеренть прявт путовксозо — од ломантнень духовно-нравственной кастомась, вейке-вейке марто ояксчисэ эрямось. Лагересь ашти усиясо ды секскак эрьвантень мереви тонадомс уйкшнеме байдаркасо, конатнесэ сменанть прядовомадо икеле весе молить Нило-Столобенской пустынев.

 

Комментарии

Комментариев нет.