Сарансо ютась ошонь депутатонь Советэнь те иень меельце сессиясь. (ЭРЗЯ)
Ванкшнозельть 12 кевкстемат, сех талновтыцясь – ошонь бюджетэсь. Молиця иестэнть ошонь казнантень республикань бюджетстэ явозельть топавтозь средстват. Полавтовоматнень мельс саезь доходонь пельксэсь межбюджетной трансфертнэнь ловозь лись 186 миллионт целковойть. Неть ярмактнэ туить китнень витнемас, од кудораськетненень эрямотаркань рамамга субсидияс, эйкакштнэнь оймсемас ды лия тевс. Бути кортамс 2018-це иень бюджеттэнть, тескень доходтнэ кастовить 10 процентс. Ошонь бюджетэсь васняяк нолдави социальной сферас, те 60-де ламо процент, седе тов эрявиксчинь коряс молить ЖКХ лангс ютавтоматне. Поладови кудо вакссо таркатнень паролгавтомась, ошонь валдомтомась ды пижелгавтомась.