Сарансо роботы «Ояксчинь мастерской» (ЭРЗЯ)
Содавтомс эйкакштнэнь искусстванть марто, кастомс сынст мельявомаст Мордовиясо эриця раськетнень промыслатнес – истямо тев стявты икелензэ МР-нь раськень ояксчинь кудось. 2017-це иень сундерьковонь меельце читнестэ республикань раськень ояксчинь кудонтень «Ояксчинь мастерской» проектэнть эрямос совавтомга явозель Президентэнь грант. 100 тежат целковойтне туить ошонь эйкакштнэнь туртов мастер-классонь ютавтомас. Проектэнть коряс малав 60 эйкакшт содавтовить Мордовиясо эриця раськетнень промыслатнень ды ремеслатнень марто. Мастер-класстнэнь ютавтыть региононь содавикс мастертнэ, конатнень туртов эйкакштнэнь марто вастовоматне пек питнейть ды эрявикст. Художникесь-керамистэсь Светлана Борисова севоненть лови пек сюпав материалокс, улезэ ансяк покш мельявомат ды сонзэ эйстэ тееви эрьва мезе. «Ояксчинь мастерской» проектэнть эрямос совавтомась содавты эйкакштнэнь поликультурной региононь сюпавчитнень марто. Секскак, сонзэ поладомга, Раськень ояксчинь кудонть юрсо арсеви панжомс эйкакшонь творческой мастреской.