Саранскяйса ётась этнодискотека (В Саранске прошла этнодискотека) МОКША

Шарфтомс од ломаттнень мяльснон мокшетнень и эрзятнень культураснон лангс — тя васенце задачась, конанц ерасазь сатомс этнодискотекатнень ётафтысна. Тя илать программасонза — мокшень и эрзянь морот, эрь кодама пялькстомат, кштимат. Этнодискотекать аноклаенза ёрайхть няфтемс од ломаттненди мокшэрзянь народть культуранц аф эсь лацонь ширенц кштимань илядть вельде. Эряви азомс, тя тейст удалси.
Кафта част стирьхне и цёратне кштисть мокшень, эрзянь, рузонь и республикасонк эряй лия нароттнень морснон коряс. Весяла пялькстоматне казендсть кочкафненди цебярь мяльхть-арьсемат. Аноклаф праздниксь тусь сембонь мяльс.