Саранскяйса пуроптф «Мордовия Республикань народонь ялгаксшинь Куд» (В Саранске учрежден «Дом дружбы народов Республики Мордовии) МОКША
Россиянь ламоц республикатнень эса улихть тоса эряй нароттнень ялгаксшинь Кудсна. Видесост кочксевихть национально-культурнай сембе организациятне, конатне покодихть тона аймакса. Мордовияса тяфтама кудть кочкаманц колга мяльсь азфоль кунаркиге. Аф кунара етафтф пуромксса ванфтольхть ялгаксшинь Кудть кочкаманц-пуромптоманц мархта сотф кизефксне.
Республикасонк эряй 119 национальность, кочкаф-пуроптф 24 национальнай общественнай объединения. Штоба сяда лац ладямс етксост соткснень, вихонзафтомс синь покодемаснон и тянь вельде кемокстамс общероссийскяй гражданскяй идентичностть, национальнай политикань коряс министерствась азсь мяль кочкамс «Мордовиянь Республикань народонь ялгаксшинь Куд». Региональнай общественнай культурно-просветительскяй организациясь пуроптови «Национальнай государственнай политикань Стратегиять» эряфс сувафтоманц пингста. Ялгаксшинь Кудсь кармай улема фкя инь главнай организациякс,конанц вельде ванфтови минь аймаконьконь этнокультурнай козяшиц. Тяда башка, оцю тев кармай вятевома грантонь анокламать-тиемать коряс. Организациять лемоц ни корхтай сянь колга, што видесонза кармайхть кочкафт сембе национальнай объединениятне. Мзярс илатне, конатне кармайхть етафневома ялгаксшинь Кудть вельде кармайхть улема культурань учреждениятнень эса. Ули надияма, што сяда тов тя ушетксть кирдьсазь и максыхть лезкс федеральнай и региональнай вяре ащихне.