Саранскяйса моли «Дружат книги, дружат народы» акциясь (В Саранске проходит акция «Дружат книги, дружат народы») МОКША

«Дружат книги, дружат народы» акциять пингста библиотекань покодихне ётафтсть   васедема Саранск ошень кефкиеце школань тонафнихнень мокшень писательхнень Николай Голенковонь и Вера Брындинать мархта. Творческяй илать васенце целец – содафтомс иттнень Мордовиянь писательхнень творчестваснон мархта. Саранск ошень кефкиеце школань омбоце классонь тонафнихне васедемаса лувсть мокшень стихт, няфтсть сценкат. Иттненди творчестваснон колга азондсть писательхне Вера Брындинась и Николай Голенков. Шабатне оцю мяльса кулхцондсть стихнень эса, макссесть инжихненди кизефкст. Няевсь, илась тусь мяльс кода ёмлатненди, стане и васедемас сафненди.

Книгати кельгомась, нароттнень ёткса ялгаксшись – вов мезти ёрасть шарфтомс иттнень мяльснон васедемать аноклаенза. Рузонь, татаронь шабатне оцю мяльса тонафнесазь мокшень кяльть. И тя илась няфтезе, што цёранятнень и стирнятнень улихть сатфкссна тя тевса.