Саранскяйса етась семинар мокшень и эрзянь кялень учительхненди (В Саранске прошел семинар для учителей мокшанского и эрзянского языков) МОКША
Саранск ошень 24-це школать видеса етафтфоль семинар ошень школань мокшень и эрзянь кялень учительхненди. Пуромксть темацоль – «Формирование коммуникативной компетенции учащихся на уроках мордовского языка». Няфтьфтольхть панжада урокт и мастер-класст.
Тячиень шить учительхне работасост нолнесазь тевс информационнай технологиятнень. Синь вельдест иттнень мяльсна салави сядонга пяк. Тяфтама семинархнень пингста учительхне аф аньцек тонафнихть фкя-фкянь эзда. «Информационно-методическяй центрать» видеса этнокультурнай отделонь оцюнясь Мария Вельмякинась фалу корхни учительхненди, кода вятемат урокне. Тонафтыхненди аф мярьгондеви макссемс стака кудонь заданият шабатненди мокшень и эрзянь кяльса.
Пуромксса пачфтьфоль, што курок информационно-методическяй центрать кармай улема сонцень сайтоц. Тоса кармайхть кочксевома инь цебярь разработкатне, конатне лездыхть ошень тонафтыхненди мокшень и эрзянь кялень урокнень вятемста. Тяда башка, сай кизоть лисихть методическяй разработкатне 2 классонди ФГОС-ть коряс. Семинарса азфоль и ся мяльсь, што ФГОС-нь вешфксне путфт аф аньцек ученикненди, но и учительхненди.Тянь квалма мяляфтома тонафтыти и аськоляма пингть мархта ряцок.