Саранскойсэ юты астрономиянь коряс олимпиада. (В Саранске проходит олимпиада по астрономии) ЭРЗЯ
Россиянь ниленьгемень вейке регионсто астрономиянь коряс сех ёроков пелькстыцят пурнавть Саранскойсэ. Ютксост Крымстэ ды Севастопольстэ тонавтницят. Организатортнэ тешкстызь, олимпиадань ютавтома таркакс Мордовиянть пурнызь Иван Утешевень Мировой пелькстамосо изнямодо мейле.
175 пелькстыцят сёрмадызь теориянь пельксэнть. Олимпиадасо кармить ещё кавто турт-практической ды тестовой. Блиц-тестэнть марто тонавтницятне вастовить васенцеде. Шкань коряс сон сех нурька-весемезэ вейке час. Теоритической ды практической заданиятнень топавтомас максови ветень-ветень часст.
Цётамотнень ёвтасызь эйзюрковонь 27 чистэ. Кодаткак икелепелев результатт ёвтамо а кармить. Теке марто сех виевтнень лемтне весенень содавикст. Сынст ютксо Мордовиянь, Московонь ёнксонь ды Санкт-Петербургонь командатне. Организатортнэ анокстасть пелькстыцятнень туртов сюпав культурной программа. Вишка астрономтнэнень невтьсызь Саранскоень музейтнень, Технопарконть, истяжо Теризморгасо национальной культурань центранть.