Саранскойсэ ютавтозель «Вместе дружная семья» форумось. (В Саранске состоялся форум «Вместе дружная семья») ЭРЗЯ

Мордовиясо ламо тееви сень кисэ, штобу ванстомс республикасонок эриця ламо раськетнень культураст, коест-кирдаст. Тень кисэ панжозельть зярыя общественной организацият, национально-культурной автономият. Ломантне истямо вастовомас сакшныть паро мельсэ. Тесэ сынь кортнить эсест ютковаст, теевить малавиксэкс лия раськень культуратнень марто. Несызь кодат мазыйть киштемаст, тантейть раськень каванямкаст. Анатолий Чушкинэнь МР-нь национальной политикань тевень коряс министранть валонзо коряс, регионсонок тееви весе, штобу эрьва раськесь маряволь прянзо теке кудосо.

«Якташлар» Мордовиянь татаронь региональной национально-культурной автономиясь пурназель 2008 – це иестэ. Татартнэде республикасонок эрить 50 тежадо ламо, те весе эрицятнень эйстэ 6 процент. Республикань прявтнэ ламо мель явить национальной ды религиозной кевкстематненень, лездыть общественной организациятненень. Мордовиянь армянэнь диаспорась покштнэнь эйстэ вейкесь, 3000 ламо ломанть. Истямо вастовомасо ламо раськень ломантне теевить седе малавиксэкс, лиякс а кода. Бути эрятано ламо раськень республикасо – эряви улемс весень марто.