Саранскойсэ ютась теннисэнь коряс Россиянь покш турниртнэнь эйстэ вейкесь. (ЭРЗЯ)

Мордовиянь панжадо первенствас, Республикань Прявтонть казнетнень кисэ пелькстамо сакшность малав 80 теннисист, Россиянь 15 регионтнэстэ. Те турнирэсь Мордовиясо ютавтови 13-цеде. Теннисэнь вечкицятне пурнавкшность Россиянь 15 регионсто. Пелькстамонь ютавтыцятнень валост коряс, истят вастовоматне кармасть паро коекс. Тесэ теннисэнь вечкицятне вастневить вейкест-вейкест марто, ламотне теевсть ялгакс. Пелькстыцятне састь Рязань, Москов, Нижний Новгород оштнэстэ. Улить и омбо масторонь, Вильнюс ды Аделаида ошсто пелькстыцят. Ютксост арасть профессиональной спортсмент. Эйкакшонь врач, адвокат, космонавт, покш предприятиянь прявт — вейсэнди сынст весень покш теннисэсь. Торжественной построенидо мейле, кепедевить колмо флагтнэ: Россиянь, Мордовиянь ды теннисэнь федерациянь. Сехте ламо пелькстыцят састь Саратовасто. Эрьва ие те пелькстамосонть сынь сайнить призовой таркат. Эряви меремс, сынст ошсо истяжо ютавтневить истят пелькстамот. Вастовоматне ютасть 35 ды 50 иестэ саезь категориятнесэ. Псинть лангс апак вано, налксемась ульнесь пек мельстуиця.