Саранскойсэ ютась «Россия — наш общий дом» регионъютконь од ломанень форум. (В Саранске состоялся межрегиональный молодежный форум «Россия-наш общий дом») ЭРЗЯ
Истямо промксось уш ютась Пензасо, Самарасо, Казаньсэ. Финалось арсезель пурнамс региононок прявтошсо. Проектэсь совавтови эрямос Мордовиянь мусульмантнэнь центральной духовной управленияс совицятнень арсемаст коряс. Тевтопавтоманть лангс грантонть кемекстызе Россиянь Президентэсь. 3 чис Саран ошось кармась улеме ламо раськень од ломанень форумонь ютавтома таркакс. 40 ламо масторонь студентт, конат кочкизь тонавтнема таркакс Мордовиянь ВУЗтнэнь, васенцеде вейсэть! Проектэнть анокстыцянзо тешкстыть, форумонь прявт путовкстнэ — те религиозной ды этнической ламо сообществатнень ютксо гармонизациясь, тенень регионтнэсэ паро условиянь теемась, раськетнень коест, изнявксост пропагандась Республикань культурань кудосо, косо пурнавсть тёжадо ламо ломанть, марявсь алкуксонь кенярксчи. Тиринь кельсэ кортамот, эрьва-кодамо раськень выставкат, национальной ярсамопельть ды оршамопельть. Эрьвась бажи невтемс эсь масторонь ды культурань башкачитнень ды лия ёнов а молеманть! Весе мазычинть неизе МР-нь Прявтось В. Волков. Форумонть участниктнень пельде — кенярксов, седейшкавань сюконямонь валт истямо мероприятиянь ютавтоманть кис. Торжественной вастовомась — залсо. Ушодовсь сон масторсо трагической событиятнень ледстнемга чатьмонемань минутасто. Пурнавозтнень ютксо – ламо государствань представительть. Саемга, ансяк Н.П.Огарев лемсэ университетсэ тонавтнить 860 омбо масторонь од ломанть. Студентэнь раськеютконь покшчинть марто поздоровонь валт гайгить Мордовиянь Главанть пельде. Владимир Волков тешкстась, Мордовиянь студентнэ теить покш путовкс республиканок эрямосо. Активистнэнь, конат невтизь пряст эрьва-кодамо пелькстамосо, форумсо казезельть Республикань Главань сюконямонь валсо. Истяжо яволявтозельть «Студент года» пелькстамонь цётамотне. Изницятнень ютксо-омбо масторонь 2 студентт. Улемс вейсэ стакачитнень, ачарькодематнень лангс апак вано!- тердить од ломантнень форумонь ютавтыцятне. Ансяк истя ванстовить эрьва раськенть духовной ды культурной питнечитне. Эряви меремс, форумонь ютавтомасо покш лезкс тейсть МР-нь Прявтонть администрациясь, национальной политикань коряс министерствась, од ломанень тевень коряс госкомитетэсь, Россиянь Общественной Палатась, Рузонь православной церьковань Мордовской митрополиясь ды Мордовиянь ВУЗтнэ. Покш казнекс форумонь участниктнень туртов кармась улеме «Ояксчи » лем ало концертэсь, конасонть весе раськетне невтизь культураст мазычинть.