Саранскойсэ ютась «Предания старины» кезэрень музыкань ды моронь Весероссиянь фестивалесь-пелькстамось. (В Саранске состоялся Всероссийский фестиваль-конкурс «Предания старины») ЭРЗЯ

Фольклоронь произведениянь кунсоломо пурнавсть ошонь эрицятне ды инжетне Мордовиясо васенцеде ютавтовиця аутентичной музыкань фестивалев. Пелькстамонь ютавтыцятнень валост коряс – те фестивалесь карми лездамо кезэрень фольклоронть ванстомо ды кепедеме од ламантнень мелест раськень культурантень. Истят фестивальтне лия регионтнэсэ ютавтневить сеедьстэ, саемга Удмуртиясо сынь ютавтневить умок. Фестивальсэнть морасть солистт-раськень моронь морыцят, дуэтт, этнографической ды фольклорной коллективть. Пелькстыцятне невтсть келей программа, кона аштесь фольклоронь эрьва кодамо жанрасто. Удмуртиянь «Выль зардон» фольклорной ансамблянь аватне Мордовиясо васенцеде, минек прявт ошонок сыненст пек вечкевсь. Фестивалень пелькстыцятнень ютксо сехте вишкатне састь Пензань ёнкссто. «Веретёнце» образцовой фольклорной ансамблясь эсест регионсо пек содавикс. Фестивалесь мельс тусь кода минек региононь творческой коллективтненень, истя инжетнененьгак. Прядовсь фестивалесь галА-концертсэ, кона аштесь малав 30 номерстэ. Фестивалень гран-принть саизе Пензань «Славяне» народной музыкань ансамблясь.