Саранскойсэ ютась «Кияк апак стувто» поисковой отрядонь омбоце окружной слётось ( В Саранске завершился второй окружной слёт поисковых отрядов «Никто не забыт») ЭРЗЯ

Те иестэ эсест виевчист Саранскойсэ невтизь Приволжской Федеральной Округонь поисковой отрядонь  400-до ламо представительть.  Пелькстамонь ды образовательной мероприятиятне ютасть военной ды трудовой подвигень музеенть вакссо. Рав кужонь федеральной округонь поисковой отрядтнэ пелькстасть военно-исторической викторинасо, ютасть тест войнань шкань вооружениянть, военной археологиянть, топографиянть коряс ды сень, кода видестэ ютавтомс архивно-поисковой важодеманть.  Слётонь торжественной пекстамось ютась университетэнь культурань кудонь сценанть лангсо. Покш инжетнень ютксо ульнесть Рав кужонь округсо РФ-нь Президентэнь полнопочной полавтыцясь Юрий Золотарев, Рав кужонь округонь «Россиянь поисковой движениянь» прявтось Тимур Камалетдинов. Лембе валт пурнавозтненень ёвтась прявт федеральной инспекторось Михаил Сезганов. Торжественной пекстамосо ёвтазельть пелькстамонь цётамотне 18-во номинациятнень коряс. 54 изницятне тешкстазельть дипломсо ды казнесэ. Гран-принь саицякс кармась Пенза ёнксонь делегациясь. Казнетнеде башка командантень карми максозь од поисковой экспедициянь ютавтомга финансовой лезкс. Лецтясынек, те ульнесь омбоце слетось. Ды кода кемевтить сонзэ пурныцятне-аволь меельце!