Саранскойсэ ютась Госсобраниянь депутаттнэнь сессиясь. (ЭРЗЯ)
Парламентарийтне официальна кемекстызь од созывень кочкамонь чинть. Таштамковонь 18-це чистэ Мордовиясо ютыть 6-це созывс кочкамотне. Теде башка те заседаниясонть ламо кевкстемат ульнесть бюджетэнть коряс. Кочкамонь чинь кемекстамось — ульнесь васенце кевкстемакс. Коень коряс сынь ютавтовить госдумас кочкамотнень марто — ацамковонь 18-це чистэ. Седе тов депутаттнэ совавтсть зярыя полавтовомат те иень бюджетс. «Юбилейной» микрорайонсо школань кепетемас федеральной бюджетстэ явозельть 640 миллионт целковойть. Седе тов депутаттнэ кортасть вишка бизнесэнь кастомань тевтнеде. Региононь парламентэсь ваннынзе ютазь иенть коряс бюджетэнь ярмаконь тевс нолдамонь кевкстематнень. Цётамотнеде пачтясь Мордовиянь счётной палатань прявтось. Депутаттнэ ванкшнызь культурной наследиядо закононть. Теде кортась Валентина Зайцева. Региональной парламентэсь истяжо ваннызе ЛДПР-нь депутатнэнь витематнень религиозной вейсэндявкстнэнь коряс.