Саранскойсэ ютась финнэнь-угрань университетэнь Ассоциациянь Советэнь промкс. (В Саранске состоялось заседание Ассоциации финно-угорских университетов)ЭРЗЯ
Финнэнь-угрань университетэнь Раськеютконь Ассоциациясь-те неправительственной организация, кона пурнынзе вейс финнэнь-угрань масторонь ды региононь университеттнэнь. Пурназель сон 2007-це иестэ. Прявт органокс кармасть Ассоциациянь конференциятне, конатне пурнавить колмо иес весть. Мордовиянь университетэсь Ассоциацияс совась 2010-це иестэ, а меельце колмо иетнень перть сонзэ Советэнь прявтокс ульнесь ректорось Сергей Вдовин.
Те иень советэнь промксонь повесткасо ульнесь Ассоциацияс ещё вейке высшей школань совавтомась. Сонзэ эйс совась Удмуртия республикань Глазов ошонь педагогической институтось. Лецтясынек, неть университеттнэнь вейсэнди образовательной, научной вейкине тевветямось ды финнэнь-угрань вузтнэнь ютксо ояксчинь кирдемась. Теде башка улить ламо вейсэнь проектт.
Ассоциациянь пурныцятнень ютксо ульнесь Марийской государственной университетэсь. Сонзэ неень ректорось макссь Ассоциациянь важодемантень покш питне ды тешкстынзе сеть лувтнень, конатнень корява эряви молемс седе товгак.
Те промкссонь повесткасо ульнесь ещё вейке прявт кевкстема-Советэнь прявтонть кочкамось. Маласо колмо иетнес сонзэ прявтокс карми Петрозаводскоень университетэнь ректорось Анатолий Воронин.