Саранскойсэ яволявтызь «Плетёные фантазии» невтемань цётамотнень. (ЭРЗЯ)
Кавто ковонь перть эрзянь, мокшонь раськень культурань музеев сыцятне эсь сельмсэ неизь, кодамо мазычи чувтонь керьстэ, илёвсто, пиксстэ ды лия мейсстэ маштыть тееме минек региононь мастертнэ. Выставкасонть эсест теевксэст невтсть региононь кевейкее районсто 23 мастерт. Экспозицияс кельгстявсть малав 140 теевкст. Кодамонь тевесь чачсь кезэрень шкатнестэ. Теке марто те шкас кадовсть ломанть, конат явить те тевентень ламо мель. Меельце иетнестэ кодазь кедьёнкстнэ одс совить эрямос, мекс теезь сынь ванькс материалсто. Илёвсто кодась туворт-эземтне мазылгавтыть аволь ансяк чувтонь кудот. Мастерэнть, Михаил Олькинэнь валонзо коряс, рамсить сынст эйсэ ошонь эрямо таркатнескак. Кемень иестэ саезь коды сынст Покш Березникень буень эрицясь Николай Григорьевич Никитин. Кавксоньгемень иетнень перть кодась пек ламо. Войнавгак тусь карьсэ. Музейсэнть невтевсть аволь покшт, сувенирной роботат сырнень олгинестэ. Истямо мазычи теить Краснослободской буень ероков кедь аватне. Выставкань цётамонь яволявтоматне истят – весе мастертнэнень дипломт ды аволь питней казнеть. А невтемань пурныцятнень пельде ёвтазель мель, седе ламо тейнемс роботат ды невтемс сынст музеев сыцятненень.