Саранскойсэ прядовсь естественной наукань коряс олимпиадань республикань этапось. (ЭРЗЯ)
Весемезэ эйсэнзэ эсест виест варчизь 15 тёжат школасо тонавтницят. Весероссиянь этапс лиссть 105 ломанть, конатнень лемест кадовсть Мордовиянь олимпиадань движениянь историясо. Эрьва ие седе ламо од ломанть варчнить виест олимпиадатнесэ. Те иестэнть сех ламо изниятнеде ульнесть Саранск ошсто, ёроков эйкакшонь лицейстэнть, Краснослободской ды Рузаевкань районтнэстэ. Мордовиянь прявтонь пельде башка казнесэ казезель Краснослободской райононь тонавтницясь Наталия Зеленова. Олимпиадасо сон лиссь изницякс сисем предметэнь коряс. Корты, изнямс сонензэ лездасть колмо тонавтыцят ды авазо. Целанек олимпиадасо прянь невтемась – те покш робота, кона веши ламо виень путома. Эряви меремс, аволь вейке предметэнь коряс олимпиадасо изницякс кармасть 190 тонавтницят. Тевтопавтоматне арсевить РФ-нь наукань ды образованиянь министерствасо ды кучовить регионтнэва. Эрьва тонавтницянть туртов истямо олимпиадасо изнямось — покш топавтовкс. Арина Оськинанень, Саран ошонь 7-це номер лицеень тонавтницянтень савсь ламо шка ютавтомс олимпиадас анокстамонтень. Эряви меремс, регионсонок сеедьстэ ютавтовить истямо олимпиадань туртнэ. Саемга чадыковсто Саранскойсэ карми ютамо химиянь коряс Весероссиянь олимпиадань цётамонь этапось.