Саранскойсэ панжовсь выставка содавикс ученоенть, краеведэнть И.Д. Воронинэнь чачома чистэнзэ 110 иень топодемантень. (В Саранске открылась выставка посвященная 110-летию со дня рождения выдающегося ученого, краеведа, И.Д. Воронина) ЭРЗЯ

Иван Дмитриевич чачсь Саранскойсэ, тонавтнесь 1-це номер приходской колмо классонь училищасо, мейле Рижской гимназиянь омбоце ступенень школасо. Кавто иень перть служась Якстере армиясо. 1938 иестэ важодсь Оренбургсо ды Мордовиясо административной ды комсомольской тевтнень коряс. Теке иетнестэ, шкадо икеле, прядызе МГПИ-нь литературань факультетэнть, теске жо и кадовсь важодеме рузонь келень ды литературань кафедрантень, косо ловнось лекцият. Тёжа вейксэсядт ведьгемень васенце иестэ ульнесь ладязель сёрмадыцянь вейсэндявксонь прявтокс.

Мерема, Воронинтнэнь кудораськесэ свал явовсь мель наукантень, ули кинь эйсэ шнамс пря, семиясонть ниле наукань докторт, колмо наукань кандидат. Наталья Ивановна, тейтерезэ, тешксты, што эйкакш порасто саезь тетяст тонавтсь сынст вечкемс книганть, ломантнень ды науканть. Покш датантень республиканской краеведениянь музейсэнть, конась кантни сонзэ лементь, панжовсь выставка. Тесэ невтезь Иван Дмитриевичень научной важодевксэнзэ, фотографиянзо ды ламо мезе лия. Музеень  важодицятне аштить каштанчисэ, што музеесь кантни содавикс краеведэнть лемензэ. Иван Дмитриевич сёрмадсь 14 книгат, малав 300 очеркт ды статьят. Сонзэ лемесь сырнень буквасо сёрмадозь минек историянтень.