Саранскойсэ панжовсь кезэрень оршамопелень ды кудоютконь кедьёнксонь этнографической выставка. (В Саранске открылась этнографическая выставка подлинных национальных предметов одежды и быта) ЭРЗЯ
Кавто иень перть «Мерема» фольклорно-этнографической студиянь участниктне пурнасть неть экспонатнэнь. Эйстэдест тесэ сядодо ламо. Кезэрень шкатнестэ эрзятне нолдызь тевс неть кудоютконь кедьёнкстнэнь. Ансамблянь участниктне экспедициятнес яксесть Мордовиянь ды Пензань велетнева. Тосо сынь аволь ансяк пурнасть сюпав кезэрень морот. Истя сынь бажить ванстомс кезэрень койтнень-кирдатнень, невтемс минек раськень культурань сюпавчинть. Сехте стака ульнесь пурнамс оршамопельтнень. Кезэрень лампат, карьть, онкстамот, тарвазт-ламотне эйкспонатнэнь эйстэ кандовить ютазь пингень ушодовомантень. Но улить ютксост истят, конатне кандовить 19-це пингентень. Выставканть поладыть мастертнэнь неень шкань декоративно-прикладной шкинемань роботатне. Александр Занкин ламо иень перть теи кедьёнкст гигерьстэ. А тавлань чувто ланга керсиця мастертнэ те выставкасонть невтизь эсест сех вадря теевкстнэнь. Этнографической выставкась Саранскоень культурань кудосо карми роботамо якшамковонь 25-це чис.