Саранскойсэ кундызь Васенце мировой войнасо маштовозтнень лемест. (В Саранске почтили павших в Первой мировой войне) ЭРЗЯ

Васенце мировой  войнанть молема шкасто Саранскойсэ свал аштесть 180-це полконь 14 ротат. Минек эрзя-мокшонь раськень ломантне те войнасонть невтизь пряст героекс. Ламотне казезельть Георгиевской крёстсо. Войнань ушодовомань сядо иень топодемантень Саранскойсэ панжозель памятник. Те покш тевесь топавтозь васняяк неень эрицятнень ды сы поколениятнень туртов сень кисэ, штобу «стувтозь войнась» а кадоволь истямокс. Ледстнемань чистэнть памятникенть вакссо пурнавсть ошонь администрациясо важодицят, од ломанень тевень коряс комитэтстэ, образованиянь ды лия министерстватнестэ, ульнесть ламо од ломантькак. Чавовозтнень лемест лецтнемга ютавтозель панихида. Те войнась стувтозель сядо иень перть. Ней, зярдо лангс ливтевить сеть иетнень молема лувост, од ломантненень а эряви стувтнемс сондензэ. А сеть иетне кеместэ совасть минек историяс.