Саранскойсэ казизь «Эрий Вал» эрзянь келень коряс Весероссиянь онлайн-олимпиадасо изницятнень. (ЭРЗЯ)
Алатазель сон эрзянь келень васенце букварень сёрмадыцянтень Авксентий Юртовнень. Пелькстасть малав 300 тонавтницят. Изницякс лиссть ансяк сех превейтне. Олимпиадань ютавтыцякс кармась «Эрий кель» онлайн-школань ветицясь, филологиянь наукань кандидатось Ольга Богданова. Мелесь максомс содамочить эрзянь келень коряс сась соненэ умок ды вана те тевсэнть сон пии-палы уш ниле иень перть. Пелькстыцятне ютасть тестирования, сёрмадсть сочинения — «Эрзянь келесь монь эрямосон». Сехте ламо яволявтомат максозельть Саранскоень 23-це номер лицейстэнть. Каземась ютась Пушкин лемсэ ловномань кудосо. Эйкакштнэнь содавтызь Авксентий Юртовонь эрямокинзэ марто, ёвтнесть сонзэ эрзянь келень тонавтомасо а онкставиця путовкстонзо. Изницятнень ютксо ульнесть Покш Игнатовань школань тонавтницят. Сочинениятнень кисэ анокстазь казнетнень ютксо Авксентий Юртовонь эрзянь азбуказо